《🏃🏻之苦》
「膠膠， 幫10仔take個obs啦！」
「膠膠， 幫5仔插條foley 啦！」
「膠膠， 收症呀！」
「膠膠， 篤晒手指未呀？！」
「膠膠，帶CT呀！」
「膠膠， 加多個dressing呀！」
「膠膠， 接OT呀！」
喺病房，有一個角色，叫Runner
顧名思義，即係你嘅工作係要跑
跑全場
成個病房有咩事都關你事
同埋你係全病房地位最低果個
咩人都可以點你做野
上至收症、routine、打針派藥
下至round片，bed bath, 執etrolley 都可以係你
你好似超人咁，一邊做routine, 一邊仲有唔同嘅人ad hoc 叫你做第2啲野
例如你take obs take到1半，有個同事叫你urgent帶個Case去照CT
點知你帶完個CT
返上黎
好彩嘅話，有好心同事幫你take你未take完嘅obs
唔好彩嘅就要自己take返
然後你唯有自己做
跑住做
做住跑
然候你啱啱做Q晒啲routine
諗住坐一下嘅時候
「你take晒obs啦？可唔可以幫17床換條ryles?唔該你呀❤️」
你心諗：唔該大晒呀？
事實係，唔該真係大晒
因為你嘅工作係runner
所以人地「唔該你」就叫比面你
就算佢無「唔該」，你都要仆去做啦right?
我記得我有次返A做runner
我仲做緊啲routine嘅時候
有個RN係度跟巡房
佢坐係部電腦前面
一邊睇醫生啲treatment,
一邊叫我
「膠膠，1仔轉DAT, 你抆左個NPO牌，再開個餐比佢，然後幫佢wean到2L O2 nasal」
「2仔幫我off左條水佢」
「3仔轉fluid diet 牌」
「4仔cath once」
仆街，我心諗佢個屎忽係咪比AA膠痴住左張凳
咁叫跟巡房？
佢嘅工作只係喺電腦前出job sheet,
其他野全部叫我做
係咪行去off條水都懶到唔行呀？
然後佢當然極速跟完啲treatment啦
因為佢只係出口，runner先係出手果個
係依個時候你會覺得runner好慘啦right?
其實我地每個人做細嘅時候都做過runner
你都試過跑到出汗
試過做到攰死
你應該唔會唔記得架？
但點解你一做左senior
就會瘋狂老點人地做野？
叫runner做野唔係唔得，
runner嘅工作就係比你點！
但我希望你地記住洗人都要有個盡頭
做人都要留有一線
好好錫住幫你做野嘅runner啦
佢地都好慘架！
Search